Sot, në Ambasadën e Republikës së Kosovës në Zagreb, Ambasadori Dr. Martin Berishaj, së bashku me dy këshilltarët e Ambasadës z. Mentor Tahiri dhe znj. Senada Dushi, priten z. Luka Mjeda dhe znj. Elizabeta Lalevska.
Me këtë rast, mysafirët i dorëzuan Ambasadës disa kopje të veprës „Po Albaniji – dojmovi s puta“, të autorit fra Lovro Mihačević, botuar për herë të parë më 1911. Libri është ribotuar nga z. Luka Mjeda, përmes Hrvatski fotografski centar (HFC), si botim i dytë. Botimi i këtij libri u mundësua nga Ambasada e Kosovës në Zagreb, Ambasada e Shqipërisë dhe nga z. Mario Nokaj.
Kjo vepër përbën një dëshmi të çmuar të vështrimit të kohës mbi Shqipërinë dhe një kontribut për ruajtjen e kujtesës kulturore e historike. Ambasada i falënderoi z. Mjeda dhe znj. Lalevska për këtë dhuratë me vlerë dhe për interesimin e tyre për trashëgiminë shqiptare, transmeton Ambasada e Kosovës në Kroaci, përcjell helveticALforum.ch.
