Studenti shqiptar me origjinë nga Plava dhe Gucia, Art Lecaj, ka qenë pjesë e organizimit të Samitit të Parë Vjetor të Studentëve Shqiptaro-Amerikanë. Përveç Art Lecajt, në organizimin e këtij aktiviteti kanë marrë pjesë edhe Leona Gjevukaj nga Peja, Kosovë, dhe Ervin Toro nga Shqipëria.
Ngjarja u mbajt në Universitetin Fordham në Nju Jork, në bashkëpunim me AANO (Organizata Kombëtare Shqiptaro-Amerikane). Përmes një postimi, Lecaj është shprehur krenar për punën e realizuar dhe për kontributin në këtë aktivitet, i cili mblodhi së bashku të rinj shqiptarë nga komunitete të ndryshme.
Samiti kishte për qëllim forcimin e rrjetëzimit, bashkëpunimit dhe ndjenjës së komunitetit mes studentëve shqiptarë, duke krijuar mundësi për shkëmbim përvojash dhe ndërtimin e lidhjeve të reja mes tyre./BS
