Kryeministri Edi Rama ka reaguar pas zgjedhjes së Justina Shiroka-Pulës në postin e Presidentes së Republikës së Kosovës.
Përmes një postimi në X, Rama e ka uruar akademiken Shiroka Pula për detyrën e re, duke theksuar se zgjedhja e saj vjen në një periudhë sfiduese jo vetëm për Kosovën, por edhe për rajonin dhe Europën.
“Urime të përzemërta akademikes së mirënjohur, zonjës Justina Shiroka-Pula, për zgjedhjen Presidente e Republikës së Kosovës, në një fazë sfiduese për Kosovën dhe në një kohë sfiduese për krejt rajonin tonë e për vetë Europën. Mbarësi e sukses për ju dhe Kosovën, zonja Presidente 🇽🇰”, shkruan Rama.
Kuvendi i Kosovës ka zgjedhur mesnatën e kaluar me 81 vota Justina Shiroka-Pulan si presidente. Ajo u zgjodh presidente në kufijtë e afatit 6 tetor, që ishte vendosur nga Gjykata Kushtetuese, transmeton rtsh.
