Ambasada Britanike në Prishtinë ka njoftuar se ekipi i Forcës së Sigurisë së Kosovës (FSK) ka fituar medaljen e artë në garën “Ex Cambrian Patrol” në Britani të Madhe.
Sipas ambasadës, ekipi i FSK-së fillimisht fitoi garën e patrullimit të Brigadës në Dartmoor dhe më pas arriti të fitojë medaljen e artë në “Ex Cambrian Patrol”.
Ambasada ka falënderuar Regjimentin britanik “Household Cavalry”, i cili kishte përgatitur ekipin përmes një trajnimi në Kosovë dhe e kishte mbështetur gjatë trajnimeve në Britani.
Në ceremoninë e ndarjes së medaljeve, të zhvilluar nga komandanti i Brigadës 160, morën pjesë ambasadori i Kosovës në Mbretërinë e Bashkuar, përfaqësues të FSK-së dhe këshilltari britanik për mbrojtje, transmeton rtk.
