Nga Besnik HEBIBI
Në Zvicër, ndërrimi i sezoneve shoqërohet edhe me ulje të konsiderueshme të çmimeve në shumë dyqane. Aktualisht, në mjaft pika shitjeje, konsumatorët mund të përfitojnë zbritje nga 30 deri në 70 për qind, një mundësi që shfrytëzohet edhe nga mërgimtarët shqiptarë që ndodhen në Zvicër.
Zbritjet sezonale janë bërë pjesë e rëndësishme e kulturës së konsumit në vend, duke u mundësuar qytetarëve të blejnë me çmime më të favorshme, ndërsa kompanitë arrijnë të qarkullojnë stoqet dhe të përgatiten për sezonin e ri.
Ky model mund të jetë një shembull për t’u shqyrtuar edhe në Kosovë dhe në Shqipëri, ku organizimi i zbritjeve në periudhat e ndërrimit të sezoneve do t’u sillte përfitime si konsumatorëve, ashtu edhe bizneseve. ( Foto nga Adi Presheva )
