Të hënën, më 9 shkurt, në ambientet e Harvard University, do të prezantohet shkrimtarja shqiptare Armenida Qyqja, e cila jeton dhe vepron në Vancouver, Kanada. Aktiviteti kulturor-akademik “Golden Armor: The Soul’s Shield” organizohet nga Departamenti i Letërsisë Krahasimtare në Harvard University dhe i kushtohet letërsisë, identitetit dhe fuqisë shpirtërore, të trajtuara përmes veprës së autores. Gjatë këtij takimi, Armenida Qyqja do të ndajë me publikun reflektime mbi procesin e saj krijues dhe temat universale që përshkojnë veprat letrare, duke ofruar një perspektivë të thellë mbi rolin e letërsisë në ndërtimin e identitetit personal dhe kulturor. Prezantimi i saj në një mjedis akademik kaq prestigjioz përbën një vlerësim të rëndësishëm për letërsinë shqiptare dhe për zërat e diasporës. Ngjarja do të moderohet nga Prof. Dr. Inga Zhghenti, e cila do t’i japë aktivitetit një dimension të thellë akademik përmes analizave kritike dhe dialogut të hapur mbi letërsinë dhe identitetin kulturor.
“Golden Armor: The Soul’s Shield” përfaqëson një moment të rëndësishëm kulturor dhe akademik, duke shërbyer si një urë lidhëse mes letërsisë shqiptare dhe diskursit akademik ndërkombëtar, transmeton albaniannews.ca/ kjonë.
