Me pikëllim të thellë njoftojmë se sot ka ndërruar jetë baba ynë, Nexhat Daci. Babin do ta kujtojmë gjithmonë për përkushtimin, urtësinë dhe kontributin e tij të çmuar ndaj familjes, shoqërisë dhe vendit, duke lënë pas një trashëgimi të respektit dhe dinjitetit që do të mbetet e paharruar.
Ceremonitë mortore do të mbahen nesër, më 02.01.2026, sipas kësaj agjende zyrtare:
09:00 – 11:45
Homazhe – Holli i Kuvendit të Kosovës
12:00 – 12:45
Akademi Përkujtimore nën Patronatin e Presidentes së Republikës së Kosovës
tek ‘Salla Plenare e Kuvendit të Kosovës.
13:40 – 14:20
Varrimi me nderime shtetërore tek Varrezat në Dragodan
Familja Daci falënderon të gjithë qytetarët, miqtë dhe dashamirët për ngushëllimet dhe respektin e treguar në këto momente zie.
E pamja do të mbahet nga data 03 deri më 05 janar, në Hotel Sirius, nga ora 10:00 – 17:00.
I përjetshëm qoftë kujtimi për të.
