Me ftesë të Zëvendës Sekretarit amerikan të Shtetit, Christopher Landau, presidentja e Kosovës, Vjosa Osmani, ka marrë pjesë në një panel të organizuar nga Qeveria amerikane.
Paneli me temë “Sistemi Global i Refugjatëve dhe Azilit: Çfarë shkoi keq dhe si të rregullohet” u zhvillua në kuadër të Javës së Nivelit të Lartë të Asamblesë së Përgjithshme të Kombeve të Bashkuara.
“Kënaqësi që, si e ftuar nga Zëvendës Sekretari i Shtetit Christopher Landau, mora pjesë në këtë panel të rëndësishëm, i cili trajtoi sfidat globale të sistemit të refugjatëve dhe azilit, si dhe rrugët për përmirësimin e tij”, u shpreh presidentja Osmani, transmeton rtk.
