Një situatë e rëndë zjarri është raportuar në zonën e Himarës, me flakët që po përparojnë në drejtim të zonave të banuara.
Për shkak të rrezikut të përhapjes së zjarrit, banorëve u është bërë thirrje urgjente të largohen nga banesat, bizneset apo ambientet e tjera që mund të jenë në rrezik.
Në njoftimin e shpërndarë nga kryebashkiaku Vangjel Tavo, për qytetarët kërkohet që banorët të tregojnë kujdes maksimal dhe të ndjekin udhëzimet e autoriteteve gjatë situatës.
Gjithashtu, qytetarëve u bëhet apel që, në rast nevoje, të kërkojnë menjëherë ndihmën e strukturave të Policisë së Shtetit, Policisë Bashkiake, shërbimeve zjarrfikëse dhe urgjencës mjekësore.
“Ruani qetësinë dhe zbatoni udhëzimet e autoriteteve!”, thuhet në njoftim. Në terren janë vënë në dispozicion edhe numra kontakti për koordinimin dhe marrjen e ndihmës nga banorët në zonat e prekura:
+355 69 600 0200
+355 69 260 4355
+355 69 478 6723
+355 69 726 6533
+355 69 252 1907
+355 68 240 6302
+355 69 539 2571
+355 69 580 3899
+355 69 323 7130
+355 69 463 6213
Autoritetet u bëjnë thirrje banorëve të Himarës të mos neglizhojnë situatën dhe të largohen në kohë nga çdo zonë ku flakët përbëjnë rrezik për jetën dhe pronën, transmeton bweb.
