Presidentja e Kosovës, Vjosa Osmani, gjatë qëndrimit në SHBA ka falënderuar bashkatdhetarët në Staten Island dhe shoqatat “Ulqini”, “Dibra” e të gjitha shoqatat e tjera për pritjen e jashtëzakonshme.
“Faleminderit bashkatdhetarëve tanë në Staten Island dhe shoqatave ‘Ulqini’, ‘Dibra’ e të gjitha shoqatave të tjera për pritjen e jashtëzakonshme!”, ka shkruar presidentja Osmani.
Ajo ka theksuar se në hitorinë e Kosovës, mërgata në Amerikë ka shkruar një kapitull të ndritshëm.
“Historia e Kosovës është histori e sakrificës dhe përpjekjeve të përbashkëta. Në këtë histori, mërgata jonë në Amerikë ka shkruar një kapitull të ndritshëm, gjithmonë krah për krah me popullin tonë, duke dëshmuar se largësia nuk e shuan kurrë dashurinë për atdhe”, ka theksuar Presidentja në rrjetet sociale, transmeton rtk.
