Me titullin “Shqipëria kurorëzohet si destinacioni më i mirë turistik në Europë”, “Europe Explores” i kushton një postim Shqipërisë, duke e prezantuar si një prej destinacioneve më të përfolura të Europës
Në përshkrim, faqja veçon ujërat e kristalta të Rivierës shqiptare dhe Ksamilit, qytetet historike të Beratit dhe Gjirokastrës, si dhe peizazhet malore dhe Alpet shqiptare.
Mes elementeve që, sipas faqes, e bëjnë Shqipërinë tërheqëse për turistët janë kombinimi i bregdetit, natyrës, qyteteve të mbrojtura nga UNESCO dhe kostove përgjithësisht më të ulëta në krahasim me destinacionet e tjera europiane. Në postim theksohet edhe mundësia për të përjetuar brenda të njëjtit udhëtim plazhet e jugut, qytetet historike dhe terrenet malore.
Në fund, “Europe Explores” u drejton ndjekësve pyetjen nëse do të zgjidhnin Shqipërinë për pushimet e tyre të ardhshme verore, transmeton abcnewsal.
