Me mbështetjen e Ambasadës së Republikës së Shqipërisë në Bernë, u bë hapja e një klase të re të mësimit plotësues të gjuhës shqipe në ambientet e shkollës Rickenbacher Schule, në Rickenbach të kantonit të Lucernës.
Me këtë rast, Ambasadori i RSH-së në Zvicër, z. Ermal Dredha, dje vizitoi këtë klasë dhe u uroi nxënësve dhe mësueses Dorentina Berisha suksese në këtë rrugëtim të rëndësishëm për ruajtjen dhe përcjelljen e gjuhës, kulturës dhe identitetit kombëtar shqiptar te brezat e rinj në diasporë.
Ambasadori Dredha u shpërndau nxënësve tekstet shkollore të unifikuara të Nivelit I dhe Nivelit II, të botuara nga Qendra e Botimeve për Diasporën.
Ambasada u bën thirrje të gjithë prindërve shqiptarë në Zvicër që t’i regjistrojnë dhe t’i dërgojnë fëmijët e tyre në klasat e mësimit plotësues të gjuhës shqipe.
Gjuha shqipe është trashëgimia më e çmuar që mund t’ua përcjellim fëmijëve tanë. Ta ruajmë dhe ta kultivojmë së bashku!, njofton Ambasada e Republikës së Shqipërisë në Zvicër, përcjell helveticALforum.ch.
Ministria për Evropën dhe Punët e Jashtme – Republika e Shqipërisë
Agjencia Kombëtare e Diasporës
