Përgatiti Dashnim HEBIBI
Një ngjarje e veçantë kulturore dhe diplomatike u zhvillua dje në Cyrih, ku shefi i misionit diplomatik të Kosovës, Vigan Berisha mori pjesë në një koncert të organizuar në kuadër të përkujtimit të Revolucioni i Karafilave, moment kyç në historinë moderne të Portugalisë që shënon fundin e regjimit autoritar dhe rikthimin e demokracisë.
Sipas raportimit të helveticALForum.ch, pjesëmarrja e z. Berisha në këtë aktivitet vjen si pjesë e angazhimeve të vazhdueshme diplomatike dhe kulturore në Zvicër, duke reflektuar rëndësinë e dialogut ndërkulturor dhe bashkëpunimit mes shteteve. Ngjarja u organizua me ftesë të Konsullit të Përgjithshëm të Portugalisë në Cyrih, Gonçalo Motta, i cili mirëpriti përfaqësues diplomatikë, personalitete të kulturës dhe të ftuar të tjerë në një mbrëmje që ndërthurte historinë me artin. Berisha e përshkroi këtë përvojë si një nder dhe një mundësi të rëndësishme për të thelluar marrëdhëniet ndërmjet Kosovës dhe Portugalisë përmes kulturës:
“Dje me ftesë të Konsullit të Përgjithshëm të Republikës së Portugalisë në Cyrih, mikut tim z. Gonçalo Motta, kisha nderin të marrë pjesë në koncertin ‘Celebrar Abril com Gerardo Rodrigues’, të organizuar me rastin e përkujtimit të Revolucionit të Karafilave, një ngjarje historike që shënon rikthimin e demokracisë në Portugali.”
Koncerti “Celebrar Abril com Gerardo Rodrigues” solli në skenë pianistin portugez Gerardo Rodrigues, i cili interpretoi një repertor të përzgjedhur me kujdes, duke përfshirë vepra klasike dhe bashkëkohore. Performanca e tij u dallua për interpretim të ndjeshëm dhe një qasje artistike që krijoi një atmosferë të veçantë për të pranishmit.
Ky aktivitet jo vetëm që shërbeu si një homazh për një ngjarje historike të rëndësishme për Portugalinë, por gjithashtu u kthye në një platformë të rëndësishme për diplomacinë kulturore. Nëpërmjet artit dhe muzikës, u forcuan lidhjet mes komuniteteve dhe u promovua mirëkuptimi ndërkombëtar. Sipas helveticALForum.ch, pjesëmarrja e përfaqësuesit të Kosovës në këtë koncert dëshmon angazhimin për të qenë pjesë aktive e jetës kulturore dhe diplomatike në Zvicër, si dhe për të ndërtuar ura bashkëpunimi përmes aktiviteteve të tilla.Në përmbyllje, z. Berisha shprehu mirënjohjen e tij për mikpritjen dhe organizimin e shkëlqyer, duke theksuar se ngjarje të tilla janë dëshmi e fuqisë së kulturës për të bashkuar njerëzit dhe për të forcuar marrëdhëniet mes kombeve, transmeton helveticALForum.ch
