Kombëtarja e volejbollit e Italisë kalon në 1/8 e finales si skuadra e parë e grupit D. Ekipi italian e përfundon fazën e grupeve në Goteborg me pesë fitore në pesë ndeshje, duke u lejuar kundërshtareve vetëm një set.
Në një ‘Scandinavium Arena’ pothuajse të boshatisur, me vetëm 863 spektatorë, Italia mposhti Francën 3:1 (25:19, 19:25, 25:23, 25:19) pas një ndeshjeje shumë të luftuar.
Pikëshënuesja më e mirë e ndeshjes ishte Egonu me 20 pikë. Të premten është planifikuar transferimi drejt Brnos në Republikën Çeke. Të dielën dhe të hënën do të zhvillohen ndeshjet e 1/8 së finales.
Italia, si fituese e grupit D, do të përballet me skuadrën që përfundon e katërta në grupin.
Bilanci i Italisë deri tani: 5 ndeshje, 5 fitore dhe vetëm 1 set i humbur./BS
