Bayern Munich dhe Arsenal kanë hedhur një hap drejt gjysmëfinaleve të Champions League, pas fitoreve në ndeshjet e para çerekfinale.
Në “Santiago Bernabeu”, Bayern Munich arriti të triumfojë me rezultatin 1-2 ndaj Real Madridit.
Skuadra gjermane mori avantazhin në minutën e 41-të me anë të Luis Diaz, ndërsa sulmuesi Harry Kane dyfishoi shifrat menjëherë me nisjen e pjesës së dytë. Reali u rikthye në lojë në minutën e 74-t përmes Kylian Mbappe, por nuk arriti të shmangte humbjen në shtëpi.
Në sfidën tjetër të luajtur në Lisbonë, Arsenali mori një fitore minimale 0-1 përballë Sportingut. Ndeshja u vendos nga një gol i shënuar në minutat e fundit të takimit nga Havertz, duke u dhënë “Topçinjve” një avantazh komod për ndeshjen e kthimit në Londër, transmeton tvklan.
