Të dashur bashkatdhetarë,
Në vazhdën e përkushtimit tonë për t’i qëndruar më afër mërgatës sonë, Konsullata e Republikës së Kosovës ka hapur dyert për të gjithë qytetarët tanë që dëshirojnë të na vizitojnë dhe të njihen me punën dhe aktivitetet e misionit.
Çdo të premte (me përjashtim të festave zyrtare), nga ora:13:00 deri në ora: 14:00, ju ftojmë në Ditën e Hapur për t’u njohur nga afër me punën e misionit tonë dhe për të qenë pjesë e bashkëbisedimeve që synojnë përmirësimin e shërbimeve tona.
Krahas heqjes së termineve (me përjashtim të kërkesave të veçanta për këto termine) dhe përmirësimit të cilësisë së shërbimeve konsullore, jemi të vendosur të ofrojmë mbështetje për të gjitha kërkesat e qytetarëve pa dallim.
Gjatë Ditës së Hapur, do të keni mundësinë për:
– Njohje nga afër me punën e misionit tonë,
– Takime me stafin e misionit;
– Njohuri më të hollësishme për shërbimet dhe aktivitetet tona;
– Dhënie sugjerimesh dhe ideve për përmirësimin e shërbimeve tona.
Konsullata mbetet e përkushtuar t’ju shërbejë me transparencë dhe profesionalizëm. Është shtëpia juaj, prandaj drejtohuni me çdo kërkesë apo nevojë që keni.
Ju mirëpresim!
Për të shmangur pritjet në telefon, na shkruani në: Consulate.zurich@rks-gov.net
Njofton:
Vigan Berisha Shef i Misionit Konsullor të Republikës së Kosovës në Cyrih
