Kosovë, 1 Qershor 2026 – Me entuziazëm të madh dhe përkushtim profesional, ka nisur zyrtarisht klapa e parë e xhirimeve të filmit artistik “TITANJA”, një nga projektet më ambicioze filmike shqiptare të viteve të fundit. Xhirimet e para kanë filluar në Kosovë siç njofton helveticALForum.ch, ndërsa në javët dhe muajt në vijim produksioni do të zhvendoset edhe në Zvicër, ku do të realizohen skena të rëndësishme të filmit. “TITANJA” po ndërtohet si një projekt me përmasa ndërkombëtare, duke sjellë së bashku një kast të jashtëzakonshëm aktorësh shqiptarë dhe të huaj.
Në këtë projekt do të marrin pjesë artistë, modele dhe personalitete të industrisë së filmit nga vende të ndryshme të Evropës, si dhe nga kontinente të tjera, duke i dhënë filmit një dimension global dhe një identitet të veçantë artistik. Që në ditët e para të xhirimeve, ekipi ka dëshmuar profesionalizëm, energji dhe përkushtim të jashtëzakonshëm. Çdo anëtar i stafit teknik dhe artistik po kontribuon me maksimumin e tij për të sjellë para publikut një vepër kinematografike cilësore, e cila synon të lërë gjurmë në skenën filmike shqiptare dhe ndërkombëtare.
Producenti i filmit, Musa Sylejmani, ka shprehur mirënjohjen dhe krenarinë e tij për ekipin që po punon në realizimin e këtij projekti:
“Jam jashtëzakonisht krenar dhe i privilegjuar që kam pranë vetes profesionistë të përkushtuar, të cilët po japin kontribut të çmuar në çdo fazë të realizimit të filmit. Besoj fuqishëm se “TITANJA” do të vijë para publikut si një projekt dinjitoz, i realizuar me standarde të larta artistike dhe profesionale.”
Një falënderim i veçantë i dedikohet organizatorit të filmit në Kosovë, Driton Fondaj, i cili njëkohësisht konsiderohet një nga bashkëpunëtorët më të afërt dhe krahu i djathtë i producentit. Me punën e tij të palodhur, organizimin profesional dhe angazhimin e vazhdueshëm, ai po luan një rol kyç në koordinimin dhe zhvillimin e suksesshëm të projektit.
Ftesë për Sponsorë dhe Biznese
Produksioni “TITANJA” fton të gjitha bizneset, kompanitë dhe markat e interesuara që të bëhen pjesë e këtij projekti si sponsorë zyrtarë. Janë përgatitur paketa të veçanta promovuese, të cilat ofrojnë mundësi të shumta reklamimi dhe prezantimi të brendit në kuadër të filmit. Sponsorët do të kenë mundësinë që produktet dhe shërbimet e tyre të promovohen në forma të ndryshme, përfshirë paraqitjen në lokacionet e xhirimeve, materialet promovuese, eventet zyrtare dhe aktivitetet mediatike që do të shoqërojnë filmin gjatë gjithë periudhës së realizimit dhe promovimit.
Ftesë për Aktorë dhe Aktore
Po ashtu, produksioni hap dyert për të gjithë aktorët dhe aktoret që dëshirojnë të bëhen pjesë e filmit “TITANJA”. Të interesuarit mund të kontaktojnë përmes WhatsApp ose SMS, duke dërguar të dhënat e tyre personale dhe informacionin bazë artistik. Përgjigjja nga ekipi i produksionit do të jetë e shpejtë, pasi përzgjedhja e roleve po zhvillohet në përputhje me kërkesat e skenarit dhe numrin e kufizuar të roleve të disponueshme.
Filmi “TITANJA” pritet të sjellë emocione, histori të fuqishme dhe një nivel të lartë profesionalizmi, duke synuar të bëhet një nga projektet më të rëndësishme filmike shqiptare të viteve të ardhshme, transmeton helveticALForum.ch.
Me respekt,
Swiss Film Star Production
Producent: Musa Sylejmani
Kontakt: +41 76 203 00 01
