Derbi i AC Milan dhe Juventusit pritet të jetë përcaktuese për fatin e vendit të dytë, me vetëm tre pikë diferencë mes rivalëve të vjetër. Ndeshja do të fillojë në ora 20:45.
Milani vjen pas një fitoreje minimale ndaj Veronës dhe synon të thyejë traditën negative të ndeshjeve direkte, ku nuk ka arritur t’i shënojë Juventusit në pesë takimet e fundit.
Nga ana tjetër, bardhezinjtë e udhëhequr nga Luciano Spalletti shfaqen me një mbrojtje “të blinduar” që ka pësuar vetëm një gol në gjashtë ndeshjet e fundit, duke u mbështetur te forma e shkëlqyer e Jonathan David në sulm. Me një histori të fundit kokë më kokë që prodhon pak gola, kjo sfidë pritet të jetë një betejë taktike ku detajet e vogla dhe efikasiteti i Pulisic apo Leaos mund të bëjnë diferencën.
Formacionet e mundshme:
AC Milan (3-5-2): Maignan; Pavlovic, Gabbia, Tomori; Estupinan, Rabiot, Modric, Fofana, Saelemaekers; Pulisic, Leao.
Juventus (3-4-3): Di Gregorio; Kalulu, Bremer, Kelly; McKennie, Locatelli, Thuram, Cambiaso; Conceicao, David, Yildiz./BS
