Me këto fjalë e përshkroi znj. Shukrije Ramadani, Zëvendësambasadore e Republikës së Kosovës në Zvicër, promovimin e dy veprave letrare. Zonja Ramadani e nderoi këtë ngjarje me praninë e saj dhe tha fjalët më të mira të mundshme para të pranishmëve në promovimin e mbajtur në natën e 17 janarit në Langenthal.
Promovim i veçantë i dy veprave letrare: “Udhëtimi drejt rrënjëve” dhe “Dritë, hijet e një rrugëtimi diplomatik – Ambasador Rexhep Demiri”, nga autorët, Dashnim Hebibi dhe Florim Useini.
– Ky promovim ishte dhurata më e bukur dhe më emocionuese që mund t’i bëhej jo vetëm komunitetit tonë,por edhe ambasadorit te merituar për angazhimin e tijë Rexhep Demiri. Falë përkushtimit të autorëve, bibliotekat u pasuruan me dy tituj të çmuar, plot dije dhe vlera kulturore, që nxisin dashurinë për atdheun dhe ndërgjegjësimin për rrënjët tona.
Pjesëmarrja e jashtëzakonshme nga të gjitha hapësirat shqiptare dëshmoi se kultura na bashkon. Në këtë rast, Ambasadorit Rexhep Demiri iu dha Çmimi “Ikona e Diasporës”, si njohje për angazhimin e tij të palodhur dhe frymëzues.
Ngjarja solli një mesazh të qartë:” trimi i mirë ,me shokë shum” dhe se me bashkëpunim te duhur, arrihen vlerat e mëdha.
Çdo pjesëmarrës u largua me një ndjenjë krenarie, shprese dhe motivimi për të mbrojtur dhe zhvilluar trashëgiminë tonë kulturore, transmeton helveticALforum.ch
