Kryedemokrati Sali Berisha ka folur sot në një sesion ndërkombëtar, duke përshëndetur mbështetjen e CDI-së, organizatës ndërkombëtare të partive, për përpjekjet e tij kundër krimit dhe korrupsionit në Shqipëri.
Berisha e ka cilësuar Shqipërinë si “shtetin e parë dhe të vetëm narkotik në Evropë”, duke vlerësuar qendrimin e CDI-së si një ndihmë të çmuar në luftën kundër këtij fenomeni.
Ai ka theksuar se lufta kundër drogës dhe korrupsionit në vend është e vështirë, por mbështetja ndërkombëtare është një motiv shtesë.
Gjithashtu, Berisha ka kritikuar aleancën e Edi Ramës me kryeministrin spanjoll Pedro Sanchez, duke përmendur se kur kryeministri i kërkoi Sanchez të mos jepte dorëheqjen, ai vetë ishte i përfshirë në korrupsione të mëdha.
Kryedemokrati e ka cilësuar këtë aleancë si problem serioz për vendet e Ballkanit dhe demokracinë në Europë, duke paralajmëruar se ndikimi dhe censura që shkakton mund të dëmtojnë proceset demokratike, transmeton oranews.
