Xhafer Tahiri jep dorëheqje

20/11/2025 11:16

202

Ish-kryetari i Vushtrrisë, Xhafer Tahiri ka njoftuar se ka dhënë dorëheqje nga posti i kryetarit të degës së Lidhjes Demokratike të Kosovës në Vushtrri.
Ai sqaroi se ka dhënë dorëheqje vetëm nga kjo pozitë, “Me shumë dashamirësi, reflektim dhe përgjegjësi të thellë politike, kam marrë vendimin të jap dorëheqjen nga detyra e Kryetarit të Degës së LDK-së në Vushtrri”, u shpreh Tahiri ndër tjera.
Tahiri u shpreh se ky hap nuk e ndalon angazhimin e tij politik dhe besimin e tij në LDK-në.kurse do të angazhohet në Kryesinë Qendrore dhe në Këshillin e Përgjithshëm të LDK-së. Kujtojmë se Xhafer Tahiri kishte lidhur marrëveshje paszgjedhore me kandidatin e Lëvizjes Vetëvendosje, Sylejman Meholli në zgjedhjet lokale.
Kjo gjë shkaktoi reagime të shumta, sepse LDK-ja kishte deklaruar se nuk e ka dhënë miratimin për këtë marrëveshje, transmeton BS.