Vigan Berisha, shefi i Misionit Konsullor të Republikës së Kosovës në Cyrih, ka përcjellë një mesazh urimi për të gjithë bashkatdhetarët me rastin e festës së shenjtë të Kurban Bajramit.
Në urimin e tij, ai ka shprehur dëshirat më të sinqerta për shëndet, paqe dhe mirëqenie në familjet shqiptare që jetojnë dhe veprojnë në Zvicër dhe më gjerë.
“Me rastin e festës së shenjtë të Kurban Bajramit, Konsullata e Republikës së Kosovës në Cyrih ju shpreh urimet më të përzemërta, duke ju dëshiruar shëndet, paqe, mirësi dhe begati në familjet tuaja. Gëzuar!”, thuhet në mesazhin e urimit.
Me këtë rast, Konsullata e Kosovës në Cyrih ka uruar që kjo festë të sjellë harmoni, solidaritet dhe afrim mes njerëzve, duke ruajtur vlerat e respektit dhe unitetit në komunitetin shqiptar, transmeton helveticALForum.ch.
