Presidenti i Këshillit të Europës, Antonio Costa, ndodhet këtë të martë, më 2 qershor, në Tiranë. Pasi u prit në Kryeministri nga kreu i qeverisë Edi Rama, të dy dolën në një konferencë të përbashkët për mediat.
“Mbështetës i palodhur qysh në krye të herës i zgjerimit të BE-së dhe i bashkimit të Ballkanit Perëndimor me BE-në”, u shpreh Rama për Costa-n në nisje të fjalës së tij. Po ashtu ai tha se presidenti i KiE-së ka qenë një mbështetës i palodhur i integrimit të Shqipërisë në BE.
“Ne kemi detyra për të përmbushur jo për hir të Brukselit, Berlinit e Parisit, por për hir të performancës së institucioneve, shtetit, institucioneve të pavarura në Shqipëri. Në këtë fazë, theksi kryesor është zbatimi i atyre reformave që janë kryer me sukses apo i të gjithë atyre ligjeve që do të vazhdojnë të hyjnë në RSH, nga trupi ligjor i BE-së. Me të drejtë presidenti na ka sugjeruar që të rrisim përpjekjet për të njohur publikun e gjerë me të gjitha këto sfida që shoqërojnë çdo hap që ne hedhim përpara”, tha Rama, transmeton tvklanal.
