Protestuesit marshuan nga Sheshi “Skënderbej” drejt Kryeministrisë dhe përsëritën kërkesat për ndryshime politike
Protesta kundër qeverisë dhe klasës politike në Tiranë ka hyrë në ditën e 122-të, ndërsa qytetarë u mblodhën sërish në qendër të kryeqytetit për të shprehur pakënaqësinë e tyre ndaj qeverisjes aktuale. Tubimi nisi në Sheshin “Skënderbej”, ku protestuesit u mblodhën dhe më pas vijuan marshimin në drejtim të godinës së Kryeministrisë. Protesta u zhvendos përpara Kryeministrisë, ku pjesëmarrësit mbajtën fjalime dhe përsëritën kërkesat e tyre politike. Në qendër të kërkesave të protestuesve janë dorëheqja e qeverisë, ndryshimet politike dhe krijimi i një qeverie teknike tranzitore.
Gjatë tubimit, organizatorët kanë deklaruar se protesta do të vijojë edhe në ditët në vazhdim, duke theksuar se do të qëndrojnë në protestë deri në përmbushjen e kërkesave të tyre. Protestat e njëpasnjëshme kanë vijuar prej 122 ditësh në Tiranë, duke e mbajtur të hapur përplasjen politike dhe qytetare përballë institucioneve qendrore. Marshimi i sotëm u zhvillua nga Sheshi “Skënderbej” drejt Kryeministrisë, ku protestuesit përfunduan tubimin me thirrje dhe mesazhe drejtuar qeverisë, transmeton euronewsal.
