Klinikat Juridike Reale të Fakultetit Juridik përfaqësojnë një nga format më të rëndësishme të lidhjes së teorisë me praktikën profesionale.
Përmes këtij modeli inovativ, studentëve u mundësohet që njohuritë e fituara gjatë studimeve t’i zbatojnë në raste dhe situata konkrete juridike.
Në kuadër të klinikave, studentët zhvillojnë aftësi të rëndësishme profesionale në:
Hulumtimin juridik
Analizën e rasteve konkrete
Interpretimin dhe zbatimin e legjislacionit
Hartimin e dokumenteve juridike
Komunikimin profesional
Argumentimin juridik dhe mendimin kritik
Ky model synon që studenti të mos jetë vetëm përfitues i njohurive teorike, por të bëhet pjesëmarrës aktiv në procesin e të nxënit, duke fituar përvojë praktike dhe kompetenca të domosdoshme për ushtrimin e profesionit në fushën e drejtësisë.
Klinikat Juridike Reale forcojnë njëkohësisht bashkëpunimin ndërmjet Fakultetit, profesionistëve të drejtësisë dhe komunitetit, duke krijuar mundësi për një edukim më cilësor, praktik dhe të orientuar drejt nevojave të shoqërisë.
Studenti mëson duke vepruar.
Teoria shndërrohet në praktikë.
Nga Fakulteti në profesion.
Nga dija në kompetencë profesionale./UHZ
