Organizatori Çlirim Haziri njofton se protesta në Prishtinë do të vijojë edhe sonte, ndërsa prej kësaj mbrëmjeje tubimi do të nisë në orën 19:00.
Protestat e organizuara nën moton “Jo në emrin tim” do të vazhdojnë edhe sonte në sheshin “Skënderbeu” në Prishtinë, duke shënuar natën e 17-të radhazi.
Organizatori i protestave, Çlirim Haziri, ka njoftuar se prej kësaj mbrëmjeje do të ndryshojë edhe orari i tubimit. Sipas tij, protesta do të nisë në orën 19:00.
Në një njoftim të publikuar në rrjetet sociale, Haziri u ka bërë thirrje qytetarëve që t’i bashkohen protestës së radhës.
“KUJDES – NGA SONTE NDRYSHON ORARI! ORA 19:00. Sheshi ‘Skënderbeu’.”
Haziri ka theksuar se protesta po hyn në natën e 17-të të organizimit, duke e lidhur tubimin me kërkesat për drejtësi dhe me çështjen e Ushtrisë Çlirimtare të Kosovës (UÇK).
“17 net rresht. Për UÇK-në. Për drejtësi. Shihemi sonte në ora 19:00!”, ka shkruar ai.
Protesta pritet të zhvillohet sonte në sheshin “Skënderbeu” në Prishtinë, ndërsa organizatorët kanë ftuar qytetarët të marrin pjesë në tubim.
