Ka nisur në Universitetin “Fan Noli” të Korçës, procesi mësimor për programin “formimi i vazhduar në fushën psiko-pedagogjike”.
Ky është viti i dytë radhazi që ofrohet ky program studimi, i cili përmes një semestri iu ofron studentëve njohuri, aftësi dhe kompetenca të nevojshme për ushtrimin e profesionit të mësuesit.
“Është një program i miratuar me udhëzim të Ministrisë së Arsimit dhe Sportit dhe parashikon aftësimin në fushën psiko-pedagogjike të të gjithë studentëve që kanë mbaruar Masterin shkencor në disa disiplina. Udhëzimi i ka përcaktuar qartë disiplinat, si histori-gjeografi, gjuhë-letërsi, matematikë, ekonomi, shkenca kompjuterike, biologji-kimi,” tregon Dr. Albina Pajo, përgjegjëse e Departamentit të Edukimit.
Në përfundim të programit, studentëve u jepet certifikatë për formimin psiko-pedagogjik.
Pas përmbylljes me sukses të programit të studimit, studentët kanë të drejtë të ushtrojnë profesionin e mësuesit sipas fushave të tyre përkatëse në sistemin arsimor, njofton rtsh.
