“Falënderoj gjithë qytetarët për pjesëmarrjen në këto zgjedhje të para të rregullta që prej shpalljes së pavarësisë”, ka nisur kështu fjalën e tij të parë pas votimeve Albin Kurti para mediave pak pas orës 23:00.
“Zgjedhjet ishin të lira dhe demokratike, falënderoj votuesit e VV, jemi të parët dhe ky është konfirmim për qeverisjen tonë të mirë dhe të mbarë”, shtoi ai më tej.
Kurti tha po ashtu se “koalicioni ynë fitues do të formojmë qeverinë e re, ‘Kurti tre’ dhe do vazhdojmë punët që kemi nisur”.
“Ata që kanë dalë të dytë dhe të tretë, dhe po të mblidhen bashkë nuk bëhen sa VV”, tha ai. Ndërkohë Kurti shtoi se do të presin numërimin e plotë të votave, pasi procesi nuk është mbyllur ende, njofton tch.
