Rama: S’kam detyrim që t’i mbush mendjen dikujt që e ka të mbushur mbrapsht
“Nuk kam detyrim që t’i mbush mendjen dikujt që e ka të mbushur mbrapsht”, ishte përgjigjja e kryeministrit Edi Rama pas pyetjes nëse ulja e çmimit të energjisë është një taktikë elektorale në prag të zgjedhjeve të 11 majit.
Ai u shpreh se jetojmë në demokraci dhe gjithsekush ka të drejtë të thotë çfarë të dojë.
Rama: Nuk kam detyrim që t’i mbush mendjen dikujt që e ka të mbushur mbrapsht, e di shumë mirë që jetojmë në demokraci dhe të gjithë kanë lirinë të thonë çfarë të duan për çdo gjë që kam bërë bëj dhe do të bëj do thonë, mbi 1 milionë konsumatorë do paguajnë një çmim të ulur të saj. Edhe për bonusin e pranverës të pensionistëve thanë që është elektoral, unë jam qenie elektorale qëkur dal nga shtëpia, njofton topchannel.