Nga Fitore HAKLAJ, Zvicër
Aroma e fjalës
E mori trupin tim
I dha ngjyrën e detit
E flokët u bënë vala jote
Hapi im
E ndoqi bukën e të varfrit
Ajo bukë
U bë lulja e bukur e malit
Dy duart e tua mbi fytyrën time
I hapën dritaret e paqes
Duke kënduar
Jo vetëm këngën e huaj
E bashkë me librin e dehur
Nuk bëja më fjalë
U hidhërove pse më la jetim
Kur nuk i kërkova asgjë
Edhe rrugët u ndanë
U bënë rreth pa dalje
Derisa ëndrra u zgjua
E preku ashtin tim të thyer
Ku humbe ti
Fjalë me aromë portokalli
Eja nëse je ftohur
Aromë
