Presidentja e Sllovenisë uron Justina Shiroka-Pulën për zgjedhjen presidente të Kosovës

Prishtinë – Presidentja e Sllovenisë, Natasha Pirc Musar, e ka uruar Justina Shiroka-Pulën për zgjedhjen e saj në postin e presidentes së Republikës së Kosovës. Përmes një postimi në platformën X, presidentja sllovene ka përcjellë urimet e saj për presidenten e re të Kosovës, duke shprehur njëkohësisht gatishmërinë për forcimin e bashkëpunimit ndërmjet dy vendeve. Pirc Musar ka theksuar se pret bashkëpunim të mirë dhe konstruktiv ndërmjet Sllovenisë dhe Kosovës, si në marrëdhëniet dypalëshe, ashtu edhe në kuadër të Procesit Brdo-Brioni, një nismë rajonale që synon forcimin e bashkëpunimit në Ballkanin Perëndimor. “Urimet e mia të sinqerta për Justina Shiroka-Pulën për zgjedhjen e saj presidente e Republikës së Kosovës. Pres me padurim bashkëpunim të mirë dhe konstruktiv ndërmjet Sllovenisë dhe Kosovës, si në nivelin bilateral, ashtu edhe në kuadër të Procesit Brdo-Brioni. Ju uroj çdo sukses në mandatin tuaj të rëndësishëm”, ka shkruar Pirc Musar. Urimi nga presidentja sllovene vjen menjëherë pas zgjedhjes së Shiroka-Pulës në krye të shtetit të Kosovës, duke nënvizuar rëndësinë e marrëdhënieve ndërmjet Prishtinës dhe Lubjanës. Me këtë mesazh, presidentja e Sllovenisë ka përcjellë gatishmërinë për vazhdimin e bashkëpunimit ndërmjet dy vendeve në nivel bilateral dhe në kuadër të nismave rajonale, transmeton rtk.