Grupi parlamentar i Lëvizjes Vetëvendosje ka dorëzuar kërkesë për mbajtjen e një seance të Kuvendit të Kosovës të hënën, më 5 tetor, në orën 09:00. Në rend dite pritet të jetë edhe nisma ligjore për ndryshimin dhe plotësimin e Ligjit për Dhomat e Specializuara të Kosovës dhe Zyrën e Prokurorit të Specializuar.
Para seancës plenare, Komisioni për Legjislacion do të mblidhet në orën 08:00, ku në rend dite do të jetë shqyrtimi i Projektligjit për ndryshimin dhe plotësimin e këtij ligji, transmeton rtk.
