Nga Bajram Ibrahimaj
Familja është një trung
me rrënjë të thella në tokë
me dashuri në çdo degë
me zemër që rreh fort.
Rrënjët janë babë e nënë
që na mbajnë gjithmonë pranë
na japin forcë e dashuri
na tregojnë rrugën në jetë.
Degët jemi ne, fëmijët
që rritemi ditë pas dite
me ëndrra, shpresa e dëshira
me zemrat plot dashuri.
E mbi degët e këtij trungu
çelin lule plot gëzim
gjyshër, nipa dhe mbesa
si bekim për çdo shtëpi.
Kur jeta na shpërndan larg
rrënjët kurrë s’i harrojmë
se sado larg të shkojmë
te familja prapë kthehemi.
Sepse familja është forcë
është ngrohtësi dhe dritë
është vendi ku zemra jonë
ndihet e sigurt në çdo ditë.
Trungu është vetë familja
Familja është dashuri
Familja është forca jonë
sot, nesër dhe përjetësi.
Bajram Ibrahimaj
12.09.2026 / Lucern-Ch
