Të dashur anëtarë, valltarë, instrumentistë, prindër dhe miq të SH.K.A. „DARDANIA“ në Winterthur!
Pushimet verore dalëngadalë po mbesin pas nesh. Shkollat po hapin përsëri dyert, puna dhe jeta e përditshme po kthehen në ritmin e tyre, e bashkë me to, edhe ne po i rikthehemi asaj që na ka bashkuar për kaq shumë vite: kulturës, këngës, valles dhe traditës sonë shqiptare. Me shumë gëzim ju njoftojmë se të premten, më 21 gusht 2026, rifillojmë provat e SH.K.A. „DARDANIA“! Këtë herë rikthimi ynë pas pushimeve verore sjell edhe një risi të veçantë, një kapitullë të ri, që ka herë e kemi pritur. Në këtë sezonin e ri, për herë të parë, grupi i të mesmëve dhe grupi i të rriturve do t’i zhvillojnë provat në sallën tonë të re, por takimi do të jetë edhe kësaj here te salla e vjetër si gjithënjë, prej nga aty do të njoftoheni me sallën e re. Një hap i ri për Dardaninë, që na krijon më shumë hapësirë dhe mundësi për ta vazhduar e zhvilluar edhe më tej punën tonë kulturore. Ndërsa grupi i të vegjëlve dhe orkestra do të vazhdojnë provat në sallën tonë të vjetër, në atë hapësirë që për afro 25 vjet ka qenë pjesë e pandashme e historisë së Dardanisë.
Aty janë rritur breza valltarësh.
Aty janë mësuar hapat e parë të valles.
Aty kanë jehuar këngët dhe instrumentet tona.
Aty kemi përjetuar mijëra orë prova, miqësi, emocione e kujtime.
Aty kemi folur shqip dhe vetëm shqip!
Prandaj, salla e vjetër mbetet pjesë e shtëpisë sonë, ndërsa salla e re hap një kapitull të ri në rrugëtimin tonë.
ORARI I PROVAVE
Të vegjëlit: 19:00–20:00 – salla e vjetër
Të mesmit: 20:00–21:00 – (salla e vjetër) – salla e re!
Të rriturit: 21:00–23:00 -(salla e vjetër) – salla e re
Orkestra: 20:00–21:00 – salla e vjetër
Pas pushimit, sallat tona do të mbushen përsëri me hapat e valltarëve, tingujt e instrumenteve, buzëqeshjet e fëmijëve dhe energjinë e të rinjve tanë.
Sepse Dardania nuk është vetëm vendi ku mësohet një valle apo një këngë. Është vendi ku brezat tanë takohen me gjuhën, kulturën dhe rrënjët e tyre; ku krijohen miqësi, kujtime dhe një ndjenjë përkatësie që na shoqëron gjatë gjithë jetës.
Mirë se vini të vegjël e të mëdhenj!
Mirë se vini valltarë e muzikantë!
Mirë se vini prindër dhe miq!
Mirë se riktheheni në familjen e Dardanisë!
Le ta fillojmë këtë sezon me energji të re, në dy salla, por me një zemër të përbashkët – DARDANINË!
SH.K.A. „DARDANIA“ – Winterthur
Kultura na bashkon, identiteti na forcon!
Bashkë për kulturën – bashkë për Dardaninë!
KRYESIA E SH.K.A “DARDANIA”
