Presidenti amerikan, Donald Trump njoftoi të premten një armëpushim tre-ditor në luftën midis Rusisë dhe Ukrainës.
Në një postim në Truth Social, presidenti i Shteteve të Bashkuara tha se do të zgjaste nga e shtuna deri të hënën.
“Kam kënaqësinë të njoftoj se do të ketë një ARMPUSHIM TRE-DITOR (9, 10 dhe 11 maj) në luftën midis Rusisë dhe Ukrainës”, tha presidenti amerikan në një postim në TruthSocial.
Më parë, Rusia dhe Ukraina akuzuan njëra-tjetrën për shkelje të një armëpushimi të shkurtër të shpallur nga Moska që përkoi me festimet e Ditës së Fitores që shënonin humbjen e Bashkimit Sovjetik ndaj Gjermanisë naziste.
Kremlini tha se forcat e tij rrëzuan 264 dronë ukrainas të premten herët, me zyrtarët në Moskë që raportuan për përpjekje sulmesh ndaj kryeqytetit dhe rajonit të Permit në Malet Urale.
Armëpushimi, i shpallur nga 8 deri më 10 maj, kishte për qëllim të mbulonte festimet vjetore që përfshijnë një paradë ushtarake në Moskë.
Rusia kishte paralajmëruar se çdo veprim do të shkaktonte një përgjigje raketore në shkallë të gjerë kundër Kievit, duke i nxitur diplomatët e huaj të largoheshin nga kryeqyteti ukrainas përpara një përshkallëzimi të mundshëm, transmeton rtsh.
