Bashkëjetesa Ndërfetare: „Pasuri kombëtare“
Përshkrim i z.Berisha në lidhje me takimin që e paralajmëruam përmes një fotoje:
“Sot kishim kënaqësinë e veçantë të takojmë përfaqësues dhe klerik të komuniteteve fetare shqiptare këtu në Zvicër.
Këto takime janë një dëshmi e gjallë e vlerave tona të harmonisë dhe bashkëjetesës ndërfetare, të trashëguara brez pas brezi.
Kjo pasuri shpirtërore nuk është vetëm një traditë, por një detyrim që na bashkon për ta ruajtur dhe kultivuar në çdo hap të jetës sonë. Konsullata e Republikës së Kosovës mbetet e përkushtuar për të mbështetur çdo iniciativë që promovon unitetin, bashkëpunimin dhe forcimin e identitetit tonë kombëtar. / Njofton, Vigan Berisha, Shef i Misionit Konsullor të Republikës së Kosovës në Cyrih
———————————————————————————–
Një foto dhe një përshkrim i jashtëzakonshëm. HeveticALforum ka mësuar, se sot z.Berisha, ka pasur një takim me krerë shqiptarë të besimeve të ndryshme, që veprojnë në Zvicër. Takimi është zhvilluar në Konsullatën e Kosovës në Cyrih. Një është shumë e sigurt tek ne shqiptarët, pavarësisht besimit e vendit, se nga cila trevë e atdheut vijmë, ne bashkëjetojmë me njëri tjetrin dhe jemi vëllezër.
Se çka është diskutuar në këtë takim do të mësojmë më vonë…
E kujtojmë;
Molla Idris Gjilani shprehet se „kemi tri fe, por kemi vetëm një atdhe të përbashkët, një gjak vëllazëror, një gjuhë, një diell e një Zot. Detyrë mbi detyrat kemi bashkimin dhe mbrojtjen e atdheut“. (Muhamed Pirraku, “Mulla Idris Gjilani dhe mbrojtja kombëtare e Kosovës lindore 1941-1951”, Dituria Islame, Prishtinë 1995, f. 13)
helveticALforum.ch