Presidenti amerikan, Donald Trump përmes një postimi në Truth Social ka reaguar lidhur me Ngushticën e Hormuzit. Trump shkruan se edhe për pak kohë do të arrijnë të hapin Ngushticën e Hormuzit.
Sipas tij ata do ta hapin lehtësisht dhe do të marrin naftën e do të bëjnë pasuri.
“Me pak më shumë kohë, mund ta hapim lehtësisht NGUSHTËSINË E HORMUZIT, të marrim naftën dhe të bëjmë një pasuri. Do të ishte një “shpërthim” për botën???”, shkruan Trump.
40 aleatë të Shteteve të Bashkuara morën pjesë në një konferencë ndërkombëtare online mbi rihapjen e Ngushticës së Hormuzit, mes shqetësimeve të forta për krizën në rrugën detare të shkaktuar nga lufta e SHBA-së me Iranin.
Iniciativa u organizua nga Mbretëria e Bashkuar, e cila mblodhi vende nga Evropa, Lindja e Mesme dhe Azia, si dhe Australia dhe Kanadaja, me qëllim shqyrtimin e lëvizjeve diplomatike ndaj Teheranit, si dhe mundësinë e vendosjes së sanksioneve në rast se Irani nuk pranon të heqë bllokadën e arteries kritike detare për furnizimet globale me energji.
Sipas burimeve të njohura me diskutimet dhe të cituara nga Bloomberg, bashkësia ndërkombëtare e konsideron të nevojshme të përfshijë një dispozitë specifike për Ngushticën e Hormuzit në bisedimet e armëpushimit me Iranin.
Megjithatë, telekonferenca theksoi se aleanca e vendeve po përgatitet gjithashtu për mundësinë e ndërmarrjes së veprimeve për rihapjen e rrugës detare pa pjesëmarrjen e SHBA-së.
Donald Trump ka kritikuar ashpër vendet e NATO-s, duke i akuzuar ato se nuk janë të gatshme të vendosin forca ushtarake në rajon, dhe madje ka shkuar aq larg sa ka kërcënuar të tërhiqet nga Aleanca, transmeton euronewsal.
