Nga Dashnim HEBIBI
Një tjetër sukses i rëndësishëm vjen nga Prof. Dr. Fadil Çitaku, i njohur për angazhimet e tij të shumta shkencore dhe përkushtimin ndaj zhvillimit të lidershipit akademik dhe profesional. Ai do të marrë pjesë në një konferencë prestigjioze ndërkombëtare, e cila do të mbahet në Kuala Lumpur, Malajzi, duke përfaqësuar me dinjitet Shqipërinë, Kosovën, Zvicrën dhe institucionet ku ai kontribuon me pasion dhe përkushtim.
Prof. Dr. Çitaku është i lidhur ngushtë me dy institucione të rëndësishme akademike: Institutin për Avancim Kombëtar dhe Academy of Leadership Sciences Switzerland, të cilat tashmë janë bërë pjesë e përfaqësimit të tij ndërkombëtar.
Një nga aktivitetet më kulmore të angazhimit të tij në këtë konferencë do të zhvillohet më 9 tetor 2025, kur ai do të ketë nderin të hapë punimet e konferencës me një temë të përgatitur me kujdes, e cila trajton rolin e lidershipit shkencor si parakusht për ndërtimin e një bote më të mirë.
Në një mesazh të ndarë për sam24.info me miqtë dhe ndjekësit e tij kudo në botë, Prof. Dr. Çitaku shprehet:
“Përgjegjësia shkencore është një thirrje që shkon përtej kufijve kombëtarë. Është mision për të ndarë dije, për të ndërtuar ura bashkëpunimi dhe për të kontribuar për shoqëri më të përparuara. Uroj që përfaqësimi ynë të jetë i denjë dhe Zoti të na ndihmojë në shpërndarjen e dijes së lidershipit shkencor, si themel për një të ardhme më të mirë.”
Pjesëmarrja e Prof. Dr. Fadil Çitakut në këtë ngjarje ndërkombëtare përbën një tjetër dëshmi të rolit aktiv që studiuesit shqiptarë dhe kosovarë po luajnë në botën akademike globale.
Për më shumë detaje mbi konferencën dhe programin: