29.08.2025, Dietikon – Të nderuar bashkatdhetarë, të dashur miq, shokë e lexues kudo që jeni,
Ju që informoheni përmes platformës sonë mediale SAM24.info me qendër në Dietikon të Zvicrës, ju njoftojmë se duke filluar nga sot, 29.08.2025, ora 15:00, portali ynë do të ketë një ndërprerje teknike për disa ditë.
Kjo ndërprerje është e nevojshme pasi po punohet në zhvillimin e aplikacionit mobil (APP) dhe në disa përmirësime teknike që do ta bëjnë platformën tonë edhe më funksionale dhe më të përshtatshme për ju, lexuesit tanë.
Gjithashtu, shumë shpejt do të prezantojmë një paketë të re mediale, ku përveç portalit do të përfshihet edhe revista mujore (PDF), kanali televiziv tvsam24.info përmes YouTube, si dhe risi të tjera që do të pasurojnë qendrën tonë mediale dhe tuajën me punë e përkushtim serioz dhe me përgjegjësi. Dita ditës ne me ndihmën tuaj po rrisim lexueshmërinë dhe po rritet bashkëpunimi.
Presim edhe reklama nga afaristë të shumtë që janë gjithandej. Ju afaristë të dashur kudo që gjendeni na lajmerohuni dhe ju ofrojmë paketë të mira reklamimi dhe e ndihmoni fjalën e lirë por në anë tjetë edhe është imazh për kompanitë tuaja.
Bashkë do ia dalim. Ju kemi thënë se nuk është qëllimi jonë fitimprurës por të mbijetoj fjala e lirë e mërgimtarit kësaj arterie të kombit që kurrë nuk u ndal e as që do të ndalet për të mirën e kombit.
Nga 24 marsi i këtij viti kemi marrë mbështetje të fuqishme nga shumë personalitete dhe dera jonë është e hapur. Tek ne nuk do të ketë shkrime me porosi, as të paguara, por përmes reklamave ne do të mbijetojmë e duke ruajtur etikën profesionale dhe bashkëpunimin me media serioze si në Zvicër dhe në trojet tona etnike.
Ne duam që përmes kësaj platforme të jemi me ju në arritjet e juaja e të brezit të ri që po rriten në mërgim e pa harruar edhe seniorët. Na besoni, bashkohuni me ne.
Ju falënderojmë për mirëkuptimin dhe mbështetjen tuaj të vazhdueshme.
Në emër të stafit të Qendrës Mediale SAM24.info
Petrit Markaj, Editor
