Nga Hamze Morina
(Ish-kryetar i LAPSH-it në Zvicër dhe veteran i arsimit)
Këtë fundjavë bashkë me mikun tim Agim Paçarizi morëm pjesë në Festivalin ndërkombëtar teatror të fëmijëve në gjuhën shqipe në Zagreb të Kroacisë, ku morën pjesë 9 përfaqësues të shkollave shqipe nga Shqipëria ( Fieri), Kosova (Mitrovica, Peja, Jabllanica ) dhe Diaspora (Anglia, Gjermania, Kroacia, Slovenija). Ekipet teatrore nga shkollat shqipe sollën në skenë pjesë të larmishme teatrale që për dy ditë rresht defiluan në sallën ” Çeski dom” të Zagrebit, ku fjala shqipe e aktorëve të vegjël i dha kuptim dhe gjallëroi atmosferën në kryeqytetin e Kroacisë – Zagreb.
.Në program ishin këto pjesë teatrale:
I. E shtunë, 31.10.2026
1. Një shetitje në Dukagjin, në regji të Merita Gashit/ Muriqi, Shkolla “Asdreni”,- Pejë
2. Biblioteka magjike, në regji të Anila Kadija, Shoqata ” Ardhmëria ” – Londer
3. Udhëtim në Kohë, me regji të Valbona Roqi, Shoqata ” Shqiponja ” Gjermani
4. Nëntorët e lirisë, me regji të Diana Kociaj, Shkolla “Iliria”, Londer
5. Gjaku i Arbërit, me regji të Laureta Janollari, Shkolla “Andon Xoxa” Fier
II. E diel, 1.11. 2026
1.Leotrimi, kujtesa që jeton, me regji të Shkurte Bytyqi Pelaj, Shkolla “Hilë Mosi” Jabllanicë e vogël
2. Greta dhe Roboti intelegjent, me regji të Melita Oreshkoviq, Shkolla” Eugen Kumiçiqa ” Velika Gorica
3. Si u miqësuan shkronjat, me regji të Vera Xhafa Haliti, Shkolla shqipe ” Dallëndyshet ” Celje
4. Buzëqeshja, me regji të Qëndersë Baranit Shkolla ” Migjeni ” Mitrovicë
Pas edicionit të parë, të organizuar vitin e kalur, këtë vit organizatori Teatri shqiptar SHTSHKR ” Mërgimi” në Zagreb të udhëhequr nga Leonard Hamitaj, aktor dhe Melita Oreshkoviq, mësimdhënënse e gjuhës shqipe në Zagreb ishin kujdesur për një përfaqsim të denjë gjatë përzgjedhjes.
Festivali kishte karakter garues mes ekipeve të shkollave dhe në fund Juria e përbërë nga:
1. Nuhi Gashi, profesor nga Kosova,
2. Olsa Poshka, regjisore nga Struga dhe
3. Hamzë Morina, mësimdhënës nga Diaspora, ekipeve që përformuan me sukses u ndau mirënjohje dhe shpalli çmimet për:
Kategoria e parë
– Shfaqja më e mirë e nxënësve të Diasporës
– Aktori dhe aktorja protogonistë më të mirë të Diasporës
– Aktori dhe aktorja të karakterit më tē mirë të Diasporës
Kategoria e dytë
– Shfaqja më e mirë e nxënësve të shkollave të Kosovës dhe Shqipërisë
– Aktori dhe aktorja protogonistë më të mirë të shkollave të Kosovës dhe Shqipërisë
– Aktori dhe aktorja të karakterit më të mirë të shkollave të Kosovës dhe Shqipërisë.
