/ Nga Gëzime ABDULLI/
Fjala ‘lajm’ na ka ndjekur gjithë jetën
Mirë, pak apo keq, te lajmi e kemi ngushëlluar veten.
Qysh si fëmijë, më kujtohet
dhe e kam të freskët rëndësinë
se sa qetësi duhet të sigurohet
kur në TV, emisioni ‘lajme’ emetohet.
Aty ishte shpresa, ishte ardhmëria
nga ai lajm varej disponimi, atmosfera e harmonia.
Fjalë të vështira, të padëgjuara për ne
por përkthimin e tyre
në fytyrën e babit, haptazi e vije re.
Kështu, ditë pas dite, vit pas viti
lajmi na rrethonte
e neve na shuheshin ëndrrat
kur dikush edhe gazetën shfletonte
Bisedë pas bisede, interesim i madh
Në pritje të vazhdueshme
për të dëgjuar ndonjë lajm
Shumë herë në ditë, përpjekje e paparë
në radio, frekuencat për ti ndarë
se a do të bëhet mirë
një ditë për këta shqiptarë
