Nga Aleksandër Çipa
Lëmshi i zjarrtë në zemër të Tokës,
U shtua dhe ngriti llavë në qiell.
Pas qindra vitesh ripërsëritjesh,
Sërish e gjeti nën Hënë dhe Diell.
Tymin e ngriti me vrulle e shtëllunga,
Dhe zjarri vërshoi si brumë përvëlak.
Në Taormina turistët fiksojnë,
Me gjeste të njëjta vullkanin e lashtë.
Po unë dhe ti si vullkani dhe Hëna,
Jo në distancë, por në pranësi,
Njëri për dritë ne sfondin me natë,
Dhe tjetra estetikë në pak gjithësi.
Hëna mbi tym dhe Etna në llavë,
Mes tyre Toka në jetë me zjarrmi,
O bashkëjetesë që shquhesh në flakë,
Ke flakën tënde, si Etna ka hi….!
Taormina 17.08.2026
Itali
