/ Cyrih, 02.02.2025/
Kështu së bashku nëmes veti e kalojnë fundjavën shumë shpesh edhe afaristë të shumtë shqiptarë në Zvicër duke bashkëbiseduar e ndërruar ide me njëri tjetrin. Bashkë dhe vetëm bashkë. E tani të gëzon fakti i një bashkëpunimi shembull i Ambasadorit të Maqedonisë së Veriut në Zvicër, Shkëlqesia e Tij, z.Rexhep Demiri dhe të Shefit të Misionit Konsullor të Republikës së Kosovës në Cyrih, z.Vigan Berisha. 7 ditë punë nga ora 06-23.00. Për këtë edhe shumë bashkatdhetarët të të gjitha trevave shqiptare janë të njohur. Punë në Ambasadë dhe tjetri në Konsullatë, pastaj në takime me shtetin pritës e diplomatë të shteteve mike në Zvicër, pa harruar mërgatën tonë nëpër manifestime të ndryshme. Herë në aktiviete shkencore, kulturore e sportive. Frymëzim maksimal. E shtuna e diela i gjenë përsëri nëpër takime të mërgimtarëve.
Edhe pse me detyra të ndryshme, njëri nga Kosova dhe tjetri nga Maqedonia e Veriut, ata janë vëllezër të një gjaku e gjuhe!
Shembull i mirë se si bashkëpunohet. Modestia e tyre e ka bërë diasporën tonë në Zvicër që duan ti kenë në aktivitetet e tyre, këta dy diplomatë. Herë te shkolla plotësuese shqipe e herë nëpër shoqata kulturore, sportive dhe humanitare. Pa harruar edhe nëpër orarë të punës te mërgata jonë, duke i falënderuar për punën që kanë bërë e që po bëjnë dhe që po e ruajnë dhe forcojnë edhe më shumë miqësinë me shtetin mik zviceran. Gjithsesi, duke i falënderuar edhe për kontributin e tyre me dekada për të mirën e lirisë, paqes e bëmirësisë.
HelveticALforum po mundohet ti pëcjell dhe ti informoj lexuesit tanë me aktivitetet e tyre, por ata kanë aq shumë aktivitete brenda një dite, saqë do t`na duhej që të merremi vetëm me punën e tyre, prandaj, herë pas here nuk po mundemi me keqardhje ti mbulojmë të gjitha aktivitetet. Kjo është edhe e ditur, sepse jemi redaksi e vogël, por fjala e lirë do të jehoj. Gjithnjë sipas burimeve tona, po sot, këta dy diplomatë kanë pasur tre takime të rëndësishme nga mëngjesi edhe pse e diele. Ata e kanë nderuar në një të pame, pra për ta ngushëlluar familjen e tij dhe vetë personalisht, Prof.dr.Florim Cuculi drejtor i klinikës së kardiologjisë në Luzern të Zvicrës. (Herzzentrum – Luzerner Kantonsspital Chefarzt Kardiologie ).
Para pak minutash, Ambasadori i Maqedonisë së Veriut, Shkëlqesia e TIj, z.Rexhep Demiri ka shpërndarë një postim në rrjetet sociale për një takim shumë të rëndësishëm që e kanë pasur, ja se çka shkruan ai ndër të tjera:
„Sonte me datë 02.02.25 së bashku me Shefin e Misionit Konsullor të Republikës së Kosovës në Cyrih, z. Vigan Berisha, patëm kënaqësinë të marrim pjesë në një moment të rëndësishëm për biznesin shqiptar në Zvicër.
I nderuar Pali Deda, Lorenz Krasniqi dhe Kushtrimi Musliu, ju falënderojmë për mikpritjen dhe respektin! Përkushtimi dhe pasioni juaj për sukses janë një shembull frymëzues për të gjithë ne.
Urime për biznesin tuaj të ri “Helfer Genev AG”! Jemi të bindur, se ky projekt do të sjellë mundësi të reja dhe arritje të mëdha në tregun e orëve të dorës. Suksese në këtë rrugëtim të ri!“. Është për ti uruar shëndet të dy diplomatëve që diaspora shqiptare sipas shumë veprimtarëve është duke frymuar shumë më lehtë me përkrahjen e tyre.
helveticALforum