BallinaAktualitetiKosova dhe SHBA thellojnë bashkëpunimin konsullor në Zvicër

Kosova dhe SHBA thellojnë bashkëpunimin konsullor në Zvicër

-

Shefi i Misionit Konsullor të Republikës së Kosovës në Cyrih, z. Vigan Berisha, merr pjesë në pritjen zyrtare të organizuar nga Agjencia Konsullore e SHBA-ve

Cyrih, 24 Shtator 2025 – Shefi i Misionit Konsullor të Republikës së Kosovës në Cyrih, z. Vigan Berisha, siç mëson sam24.info ka marrë pjesë në një takim të rëndësishëm diplomatik, të organizuar nga Agjencia Konsullore e Shteteve të Bashkuara të Amerikës në Cyrih, nën kujdesin e Ambasadës së SHBA-ve në Zvicër dhe Lihtenshtajn.

Takimi u zhvillua me ftesë të znj. Ellen Ann Delman, Udhëheqëse e Agjencisë Konsullore të SHBA-ve në Cyrih, dhe kishte për qëllim shprehjen e mirënjohjes për bashkëpunimin dhe partneritetin e shkëlqyer ndërkonsullor ndërmjet misioneve diplomatike.

Gjatë pritjes zyrtare, z. Berisha theksoi rëndësinë e vazhdimit të këtij bashkëpunimi dhe vlerësoi thellësisht mbështetjen e vazhdueshme që Shtetet e Bashkuara të Amerikës i kanë dhënë Republikës së Kosovës në të gjitha fazat e shtetndërtimit dhe zhvillimit demokratik.

“Kisha kënaqësinë e veçantë të marr pjesë në këtë pritje të organizuar nga Agjencia Konsullore e SHBA-ve, një takim që reflekton jo vetëm bashkëpunimin e ngushtë në fushën konsullore, por edhe miqësinë dhe aleancën e qëndrueshme ndërmjet Republikës së Kosovës dhe Shteteve të Bashkuara të Amerikës,” ka deklaruar z. Berisha përmes një postimi në rrjetet sociale.

Ky takim tregon forcimin e mëtejshëm të partneritetit strategjik, si në fushën konsullore, ashtu edhe në atë politike, ekonomike dhe të sigurisë.

Loading posts…

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

- Reklama -spot_img

Duhet ti lexosh

Në Konsullatën e Kosovës në Cyrih promovohet libri autobiografik “Për Kosovën...

0
Dëshmi për sakrificën, qëndresën dhe rrugëtimin historik drejt lirisë së Kosovës Më 15 nëntor 2026, në kuadër të aktiviteteve kushtuar Nëntorit të Flamurit, në ambientet...