Të dashur studentë,
Me rastin e fillimit të vitit të ri akademik 2026/2027, Fakulteti Juridik i Universitetit “Haxhi Zeka” ju uron mirëseardhjen dhe ju fton të bëheni pjesë e Javës së Mirëseardhjes, e cila shënon fillimin e një kapitulli të ri në rrugëtimin tuaj akademik.
11:30 | MIRËSEARDHJA E STUDENTËVE TË RINJ
Amfiteatri 1 – Fakulteti Juridik
Një pritje e veçantë për studentët e rinj, me qëllim të njohjes së tyre me Universitetin “Haxhi Zeka”, Fakultetin Juridik dhe komunitetin akademik, duke shënuar kështu fillimin e rrugëtimit të tyre universitar.
13:00 | NJOHJA ME PLANPROGRAMET DHE STAFIN AKADEMIK
Prezantimi i programeve studimore, planprogrameve dhe lëndëve, si dhe njohja me stafin akademik që do t’i shoqërojë studentët gjatë studimeve.
TË DREJTAT E STUDENTËVE DHE PËRFAQËSIMI I TYRE
Informim mbi të drejtat dhe përgjegjësitë e studentëve, përfaqësimin studentor dhe rolin e Këshillit Studentor.
ADMINISTRATA DHE SHËRBIMET PËR STUDENTË
Informim mbi shërbimet administrative, procedurat për studentë dhe përdorimin e sistemit SIMS.
QENDRA E KARRIERËS
Njohje me mundësitë për orientim profesional, praktika pune dhe zhvillim profesional gjatë studimeve.
PYETJE DHE DISKUTIME
Hapësirë e hapur për pyetje, diskutim dhe sqarime për studentët e rinj.
Nga dita e parë, synojmë që çdo student të ndihet i mirëpritur, i informuar dhe pjesë e komunitetit tonë akademik.
Mirë se vini në Fakultetin Juridik!
Së bashku për një të ardhme me drejtësi dhe integritet!
Studentët e sotëm, liderët e drejtësisë së nesërme./UHZ
#UniversitetiHaxhiZeka#FakultetiJuridik#JavaEMirëseardhjes#StudentëtERinj#VitiAkademik20262027#StudimeJuridike#ArsimimCilësor#StudentëtNëQendër#KomunitetiAkademik#EArdhmjaNëDrejtësi
