Ky libër është konceptuar si pikëprerje e disa këndvështrimeve mbi poetikën e prozës së Ismail Kadaresë, ku përthyerja e përvojës së diktaturës në gjuhën e letërsisë universale zë vendin më të rëndësishëm.
Në veprën e Kadaresë, diktati, kontrolli dhe mbikëqyrja e shndërrojnë individin në një qenie të shformuar, të nënshtruar ndaj makinerisë shtypëse, e zhveshin nga dinjiteti dhe vlerat humane, duke e kthyer jetën e tij në një makth të përhershëm. Nga ana tjetër, pushteti totalitar vepron duke shkatërruar kujtesën e individit dhe të kombit me qëllim që të manipulohet historia. Këto janë disa konstante themelore të rrëfimeve kadareane, të cilat shqyrtohen thuajse në të gjithë punimin.
Përmes shenjave simbolike dhe alegorike të imagjinatës letrare, të përthyera në realitete historiko-kulturore të gjithkohshme, shqyrtohen raportet dypalëshe mes utopisë dhe distopisë. Këto raporte ndërtohen në bosht ligjërimor projektuar prej një presioni të lartë, ushtruar nga mekanizmat shtypës të pushtetit totalitar, përballë perspektivës së lirisë individuale dhe kolektive.
Viti: 2026
Faqe: 514
ISBN: 9789928873187
Për të parë botimet e reja nga Akademia e Shkencave klikoni linkun: https://akad.gov.al/veprat-e-botuara-nga-ashsh/njofton Akademia e Shkencave e Shqipërisë
