Pas një suksesi të madh që ka treguar FC Suhareka dhe është në drejtim të sukseseve të tjera, z.Rrustem Aliaj, një atdhetar, bëmirës e afarist i suksesshëm e tash ish kryetar i klubit, që jeton e vepron në Zvicër ditë më parë është larguar nga drejtimi i FC Suhareka, por ai me shpirt do të jetë përsëri dhe ka hapur portat për personalitete të tjera që të vazhdohet me suksese. Z.Aliaj njihet si i fjalës, punës me shumë përkushtim dhe i besës, po i jep hapësirë të tjerëve që të tregojnë aftësitë e tyre drejtuese.
Ai përmes disa fjalëve që i ka shpërndarë në rrjetet sociale ndër të tjera shkruan:
“Të dashur simpatizues dhe dashamirë të FC Suhareka,
Urime të përzemërta Fadil Bytyqit për zgjedhjen Kryetar i ri i klubit. Jam i bindur se me përkushtimin dhe vizionin e tij si dhe ndihmën e anëtarëve të tjerë, FC Suhareka do të vazhdojë të ecë përpara drejt sukseseve të reja.
Falënderoj të gjithë bashkëpunëtorët pa dallim për mbështetjen dhe përkushtimin e tyre të vazhdueshëm që kishin ndaj meje dhe FC Suhareka!
Me respekt,
Rrustem Aliaj