- Lidhja Demokratike e Kosovës ka reaguar ndaj vendimit të Presidentes Shiroka-Pula për largimin e fotografisë së ish-presidentit Ibrahim Rugova dhe Deklaratës së Pavarësisë nga hapësirat e nderit në Presidencë. Në reagimin e saj, LDK-ja e ka cilësuar këtë vendim të papranueshëm, duke theksuar se këto dy simbole kanë rëndësi historike dhe shtetërore për Kosovën.
- Sipas LDK-së, Presidenca ka përgjegjësi të ruajë vazhdimësinë e shtetit dhe të nderojë figurat dhe aktet mbi të cilat është ndërtuar Republika e Kosovës.
- Partia ka kërkuar rishikimin e vendimit dhe rikthimin e fotografisë së Ibrahim Rugovës dhe Deklaratës së Pavarësisë në vendet e tyre të mëparshme në Presidencë.
- Reagimi i plotë:
- REAGIM I LIDHJES DEMOKRATIKE TË KOSOVËS
- Lidhja Demokratike e Kosovës e konsideron të papranueshëm vendimin e Presidentes Shiroka-Pula për largimin nga vendet e nderit në Presidencë të fotografisë së Presidentit Ibrahim Rugova dhe të Deklaratës së Pavarësisë, të vendosura përkatësisht nga Presidentja Osmani dhe Presidenti Sejdiu. Presidenca është institucion shtetëror ku nderohen themeluesit e shtetit dhe aktet mbi të cilat është ndërtuar ai. Fotografia e Atit Themelues të Republikës së Kosovës dhe Deklarata e Pavarësisë kanë domethënie historike e shtetërore. Trajtimi i tyre si elemente dekorative që mund të zëvendësohen me vepra arti është i gabuar dhe i papranueshëm.
- Presidenti Ibrahim Rugova përfaqëson udhëheqjen historike të përpjekjes së Kosovës për liri, pavarësi dhe demokraci. Deklarata e Pavarësisë shpreh vullnetin e popullit të Kosovës për shtet të pavarur e sovran. Nderimi i tyre në institucionin e Presidencës është shprehje e respektit ndaj historisë dhe identitetit shtetëror të Kosovës. Largimi i këtyre dy simboleve cenon këtë respekt institucional. Presidenca ka përgjegjësi të ruajë vazhdimësinë e shtetit dhe të nderojë trashëgiminë e tij. Kjo përgjegjësi tejkalon mandatin e secilit president dhe duhet të pasqyrohet edhe në mënyrën se si paraqitet shteti në hapësirat e tij zyrtare, para qytetarëve dhe përfaqësuesve të huaj. LDK-ja kërkon rishikimin e këtij vendimi dhe rikthimin e fotografisë së Presidentit Ibrahim Rugova dhe të Deklaratës së Pavarësisë në vendet e tyre të nderit në Presidencë. Një veprim i tillë do të dëshmonte respektin që institucioni i Presidentit duhet të ketë ndaj themeleve të Republikës që përfaqëson.
- Lidhja Demokratike e Kosovës. /helveticALforum.ch
LDK kundërshton largimin e fotografisë së Rugovës dhe Deklaratës së Pavarësisë nga Presidenca
-
Loading posts…
- Reklama -
Duhet ti lexosh
Grevë e korrierëve të Just Eat në Cyrih: Rreth 500 vende...
Punonjësit kundërshtojnë planin e kompanisë për kalimin në modelin e punës së pavarur. Grevistët kërkojnë ndalimin e largimeve nga puna dhe ruajtjen e kontratave...
