Madrilenët triumfuan në udhëtim me rezultat 3:0 ndaj Racing Santanderit, në ndeshjen e javës së 11-të të kampionatit spanjoll.
Të tre golat u shënuan në pjesën e parë të takimit. Në minutën e 11-të, Kylian Mbappe u tregua i saktë nga pika e bardhë, duke e dërguar topin në këndin e djathtë të portës dhe duke mos i lënë asnjë mundësi reagimi portierit Julen Agirrezabala për 0:1. Në minutën e 21-të, Arda Güler dhuroi një pasim të bukur për Jude Bellinghamin, i cili depërtoi në zonën e rreptësisë dhe me një goditje të saktë e dërgoi topin ulët në mes të portës për 0:2. Ndërkaq, në minutën e 36-të, topi i kthyer përfundoi te Yan Diomande, pak jashtë zonës së rreptësisë. Ai nuk mendoi dy herë dhe goditi bukur në këndin e sipërm të majtë të portës, duke vulosur rezultatin 0:3. Në tabelën e klasifikimit, Barcelona kryeson me 30 pikë, e ndjekur nga Atletico Madridi me 28, ndërsa Real Madridi renditet i treti me 27 pikë. Në anën tjetër, Racing Santander ndodhet në vendin e 16-të me 11 pikë./BS
