Nga Vasil Tole
Tema e këtij viti për Ditën Botërore të Operës, “Opera Connects” (Opera na bashkon), vendos në qendër të vëmendjes një të vërtetë të thjeshtë: opera është një nga format e artit më thelbësisht ndërkombëtare që ekzistojnë, me rol të pazëvendësueshëm në edukimin artistik të publikut.
Trupat artistike, ekipet krijuese, bashkëprodhimet dhe karrierat artistike kapërcejnë vazhdimisht kufijtë shtetërorë. Ky realitet është i qartë por duhet bërë akoma edhe më i dukshëm si për publikun, ashtu edhe për vendimmarrësit që përcaktojnë të ardhmen e operas dhe të institucioneve të saj.
Në dy operat që kam shkruar, tek EUMENIDES (Eskili), kam shtjelluar në muzikë temën e së drejtës, tejkalimin e saj dhe dhënien e drejtësisë nga gjykata; kurse tek Opera Solemne “Gjergj Kastrioti Skënderbeu Kryezot i Arbërit” (imzot Fan S. Noli), kam trajtuar muzikalisht heroin tonë kombëtar dhe luftën për liri të shqiptarëve. /GDieli
•Operan “EUMENIDES” në formë koncertale e shihni këtu 
•Operan “Gjergj Kastrioti Skënderbeu Kryezot i Arbërit” në formë koncertale e shihni këtu
• Gëzuar “Ditën Botërore të Operas”!
Në foto: Tenori Klodian Kaçani në rolin e Gjergj Kastrioti-Skënderbeu, tek opera solemne “Gjergj Kastrioti Skënderbeu Kryezot i Arbërit”, Prishtinë, Kosovë
